Yaman darıxıram sənin üçün Ana | Gözəl Ana şeiri
Yaman darıxıram sənin üçün ANA
Yaman darıxıram səninçün Ana,
Başımı dizinə qoymağım gəlir.
Körpə uşaq kimi, sarılıb sənə,
Həsrətin gözünü oymağım gəlir.
Elə kövrəlmişəm bu axşam yenə,
İstərəm bir layla deyəsən mənə.
Astaca başımı qoyub sinənə,
Sanki bir bulud tək dolmağım gəlir.
Elə həsrətəm ki, şirin sözünə,
Üzümü söykəyəm, nurlu üzünə.
Uşaq tək gözümü dikib gözünə,
Elə bax beləcə qalmağım gəlir.
0 şərh